ଧୂମ୍ରପାନ
ଧୂମ୍ରପାନ
ମାନବ ଜନମ ଦୃଲଭ ଜୀବନ
ଜୀବଗଣେ ଶ୍ରେଷ୍ଠ ସ୍ଥାନ,
ତଥାପି ଏ ନର ଅବୁଝା ତା ମନ
ଦେହ କୁ ନ ଦିଏ ଧ୍ୟାନ ।
ରୋଗ ଗ୍ରାସ କଲେ ଶରୀରରେ ଥରେ
ତନୁ ଧୀରେ ହୁଏ କ୍ଷୀଣ,
ନିଜ ଗୁଣ ପାଇଁ ରୋଗ ଆଣି କିଣି
ଦୁଃଖ କଷ୍ଟେ କାଟେ ଦିନ ।
ବିଡି, ସିଗାରେଟ, ଗଞ୍ଜେଇର ଧୂଆଁ
କର୍କଟ ରୋଗ କାରଣ,
ଜାଣି ଶୁଣି ସବୁ ନ ମାନନ୍ତି କିଛି
କରୁଥାନ୍ତି ଧୂମ୍ରପାନ ।
ଅଭ୍ୟାସେ ପଡିଲେ ଛାଡି ନ ପାରିବ
ହୁଅ ବାବୁ ସାବଧାନ,
ଗରିବ ରାକ୍ଷାସ ପାଖ ଛାଡିବନି
ନୁହେଁ ଏ ମିଥ୍ୟା ବଚନ ।
ଯୁବପିଢି ମାନେ ଆଜିର ସମାଜେ
ବେଶି ଦେଉଛନ୍ତି ମନ,
ଧୂମ୍ରପାନ କରି ଧୂଆଁ ଛାଡୁଥାନ୍ତି
ଭାବି ଏଇତ ଫେସନ ।
ନିଜେ ବଶ ହୋଇ ଅନ୍ୟକୁ ଶିଖାନ୍ତି
ନିଜ ବନ୍ଧୁ ପରିଜନ,
ଅବୁଝା ହୋଇଣ ବୁଝି ନ ପାରନ୍ତି
ଏଇ କାର୍ଯ୍ୟ ଅଟେ ହୀନ ।
ସର୍ବେ ଏକ ହୋଇ ଜନ ସମାଜକୁ
କରାଇବା ସଚେତନ,
ହେଲେ ରୋଗେ ପଡି ଯିବନାହିଁ ଆଉ
ଧୂମ୍ରପାନ ରେ ଜୀବନ ।