ଭୂତ କୋଠି
ଭୂତ କୋଠି
ପରିତ୍ୟକ୍ତ ଗୃହେ ଭୂତ ପରା ରହେ
ଏ'କଥା ବୋଲନ୍ତି ସର୍ବେ ,
ଅତୃପ୍ତ ଆତ୍ମାର ଏ'ଆବାସ ସ୍ଥଳ
ନିଶାର୍ଦ୍ଧ ରାତ୍ରୀରେ ରାବେ ! !
ଭଙ୍ଗା ଖଟିଆରେ ଶୟନରେ କିଏ
ଦୁଇଟି ମୃତ ଶରୀର ,
ଦୃଶ୍ୟମାନ ହୁଏ ଜୀବିତକି ଇଏ ?
ଆସିବେ ଖୋଲି ଦୁଆର ! !
ଏ'ଗୃହ ନିଶ୍ଚୟ ଡାକ୍ତର ଖାନାର
ହୁଏ ମୋର ଅନୁମେୟ ,
ଶଵ ସଂରକ୍ଷଣ ବ୍ୟବଚ୍ଛେଦ ଘର ,
ନିଆରା ତା' ପରିଚୟ ! !
ପ୍ରେମୀକ ପ୍ରେମିକା ଅବା ସ୍ଵାମୀ ଭାର୍ଯ୍ୟା
ଶୋଇଛନ୍ତି ମୃତ୍ଯୁ ଶେଯେ ,
ବିରଳ ଏ'ଛବି ଦେଖିଲା ଏ' ଆଖି ?
କୁହୁକ ମନ୍ତର ଖୋଜେ ! !
ପୂତ୍ତିଗନ୍ଧମୟ ଏ' ସାରା ଆବାସ
ରକତେ ଭିଜିଛି ସତେ ,
ଆବର୍ଜନା ପୂର୍ଣ୍ଣ ଚଟାଣ ବିସ୍ତୀର୍ଣ୍ଣ
ପରିବେଶ ଭିନ୍ନ କେତେ !?!
ବାତ୍ୟାରେ ଵିଧ୍ଵଂସ ହୋଇଛିକି ମାତ୍ର
ଏ'ଭୂତ ପ୍ରେତମୟ ନୀଡ ,
ବତାସ ଭୟରେ ଭୂତ ପ୍ରେତ ମାନେ
ହୋଇଛନ୍ତି ହଡବଡ଼ ! !
ଏ'ଛବିରୁ ପ୍ରତୀତ ହେଉଛି ନିଶ୍ଚିତ
ଭୟଙ୍କର ଦୃଶ୍ୟରାଜି ,
ମାନବ ମାନବୀ ମୃତ୍ଯୁ ଦ୍ଵାରଦେଶୀ
ଶୋଇଛନ୍ତି ଆଖି ବୁଜି ! !
ଚିତ୍ରମଣେ ଗାଥା ଭାବନା ଅନ୍ୟଥା
ଦୃଶ୍ୟଭାସେ ସ୍ରଷ୍ଟା ନେତ୍ରେ ,
କୁହୁକର ପେଡ଼ି ନିର୍ଜନ କୋଠରୀ
କଵି ଲେଖେ ନିଜ ସୂତ୍ରେ ! !
ଏ'ମହଲେ ପଡିଛି ଲିଖନ ପୋଥିକି
ସଂଘର୍ଷରେ ଜିତିହାରି ,
ଡାକ୍ତରୀ ମାଇନା କାଗଜ ଆଇନା
ଫରଦ ଯାଇଛି ଚିରି ! !