ମତଦାନ କର ସାବ୍ୟସ୍ତ
ମତଦାନ କର ସାବ୍ୟସ୍ତ
ବିଶାଳ ଭାରତେ ଗଣତନ୍ତ୍ର ଭାସେ
ଶାସନର ମହାମନ୍ତ୍ର ,
ସଚେତନ ଧର୍ମୀ ନାଗରିକ କର୍ମୀ
ପଢ଼ସର୍ବେ ମହାଶାସ୍ତ୍ର ! !
ଗଣତନ୍ତ୍ର ଭାର କରହେ ଅର୍ପଣ
ବିଚାର ବିମର୍ଷ କରି ,
ନିର୍ବାଚନ ଅଙ୍କ ଜଟିଳ ଗଣିତ
ମୂଳସୁତ୍ର ଥାଅଧରି ! !
ମତ ଅଧିକାର ସାବ୍ୟସ୍ତେ ସରାଗ
ଅଙ୍ଗୁଳି ନିର୍ଦ୍ଧେଶେ ଫଳ ,
ଲୋକପ୍ରତିନିଧି ଦେଵା ଆମ୍ଭେ ବାଛି
ଚାଲିବ ସାଶନ କଳ ! !
ସୁଯୋଗ୍ୟ ବ୍ୟକ୍ତିକୁ ରାଜା କରିବାକୁ
କରିବାନି କେବେ ହେଳା ,
ଜାତି ଧର୍ମ ବର୍ଣ୍ଣ ନୁହେଁ ସମୀଚିନ
ଜଳାଅନି ହିଂସା ଜ୍ଜ୍ଵଳା ! !
ଜାଗ ଆହେ ଜନ ନିର୍ବାଚନ ଧନ
ଅଧିକାର ସାବ୍ୟସ୍ତରେ ,
ରାଜନୀତି ଭାଗ କର ଉପଭୋଗ
ନାଗରିକ ଯୋଗ୍ୟତାରେ ! !
ସୁନାଗରିକ ଦେଶର ସମ୍ପଦ
ଗଣତନ୍ତ୍ର ଅଭିମୁଖି ,
ବିରତ ହୁଏନି ହୁଏ ଅଂଶୀଦାରି
ନିର୍ବାଚନେ ନାମରଖି ! !
ସଚେତନ ଧର୍ମୀ ନାଗରିକ କର୍ମୀ
ଦେଶର ପ୍ରଚଣ୍ଡ ଶକ୍ତି ,
ସାଶନ ସାଶକ ସଭିଙ୍କ ମାଣିକ
ଅଜାଡନ୍ତି ପ୍ରିତୀ ଭକ୍ତି ! !
ଦେଖ ସର୍ବେ ଜନ ଅଙ୍ଗୁଳିକୁ ମୋର
ଲାଗିଛି ନିଆରା କାଳି ,
ପ୍ରତୀକ ସନ୍ତକ ନିର୍ବାଚନ ରଙ୍ଗ
ସରାଗେ ଦେଇଛି ବୋଳି ! !
ଭୋଟ ଖଣ୍ଡିଏ ଦାନ କରିବାରେ
କୁଣ୍ଠାବୋଧ କର ନାହିଁ ,
ଦେଶର ସାଶନ କରୁ ଯୋଗ୍ୟବର
ଉଚ୍ଚସ୍ଵର ଦିଅକହି ! !