कोजागिरी पौर्णिमा

कोणी म्हणे शरद पौर्णिमा

कोणी म्हणे कोजागिरी।

शुभ्र चंद्रमा नभात

आज लख्ख प्रकाश संध्याकाळी।

सुख ओंजळीतले त्याच्या

वाटेल आज तो ते पहा रे ।

आज सगळे जण मिळोनि

त्याच्या सोबत रहा रे।

आज शरदाच्या चांदण्यातून

लक्ष्मी बघा अवतरते।

कोजागरती म्हणून असे ती

भूवरी फिरते।

दुध आटवोनी घालू त्यात

काजू बदाम पिस्ता।

गप्पा ,गोष्टी , गाणी म्हणून

रिकामा करू आठवणींचा कप्पा।

चंद्राची किरणे पडता

दूध होईल अमृतापरी ।

चला सगळेजण मिळून

साजरी करू कोजागिरी।