सरी श्रावणाच्या

सरी येता श्रावणाच्या

पडतात हळुवार

थंड असा तोच वारा 

वाटतसे गार गार ---१

रिमझिम पावसात 

वनराई ही दाटते 

शालू हिरवा घालून

वसुंधरा ही नटते --२

आकाशात स्वच्छंद हे

उडतात छान पक्षी

एका ओळीत सुंदर

मनोहर दिसे नक्षी ---३

उभ्या जगाचा पोशिंदा

मुखावर त्या आनंद

काळ्या मातीचा छान

दरवळे हा सुगंध ---४

  इंद्रधनु सप्तरंग

 दिसे कोणत्याही क्षणी

 मोर नाचे थुई थुई 

होई आनंदच मनी ---५

असा हा श्रावणमास

 ह्याच मासी सणवार

राखी पौर्णिमेच्या सणा 

भाऊराया हो नेणार ---६