गझल
गझल
1 min
14K
गालगागा गालगागा गालगा
फेर जन्माचा असा देतो धडे
आज चर्चा देह गेल्यावर घडे
मी कधीचा संपलो आहे तरी
आज का चिंता तुला माझी पडे
रंग आता जीवनाचे हरवले
का भिते या पावसाला तू गडे
अंतरीचे घाव आता सांगती
जीवना गेले कधीचे हे तडे
अंकुरे चोहीकडे संधी जरी
अंगणी माझ्या निराशेचे सडे
काय माझे आज बाकी या इथे
घालतो दररोज देवा साकडे
अंत होती सोसलेल्या यातना
आठवांची ठेव ही माझ्याकडे