नको पावसा रुसू
नको पावसा रुसू
1 min
329
नको रे पावसा
नको असा रुसू
काळ्या काळ्या ढगात
नको लपून बसू
वाऱ्यासंगे ढगांमध्ये
पिंगा तू रे घाली
पाण्यासाठी जीव माझा
होतोय वर खाली
रानी पडल्या भेगा
आस लागली तुझी
रुसवा तुझा फार झाला
वाट लागली माझी
वाट तुझी पाहून
डोळे आता थकले
किती तरी जीव
जीवास आपल्या मुकले
कुठेच नाही पाणी
वाकून बघ मेघा
थोडा तरी पड रे
नको देवूस दगा
मान्य करतो मी
चूक माझी झाली
हवी तशी झाडी
मीच खूप तोडली
आता कळली चूक
झाडे मी लावीन
थेंब थेंब पाण्याचा
जपून वापर करीन
रुसवा तुझा सोड आता
वाट पाहती वृक्ष लता
सांड जलकुंभ जाता जाता
थांबव ही चित्तरकथा