व्यसनमुक्ती (अभंग)

व्यसनाची वाट। नका लागू नादी ।।

होते बरबादी  । आयुष्याची ।।

तंबाखूचा विडा । नका आता मळू ।।

कॅन्सरचा गळू।  गळा येई ।।

माव्याची सुपारी । तोंडाले रंगवी ।।

बत्तीशी दाखवी । काळीकुट्ट ।।

आतड्यास भोके । दारूची ती नशा ।।

मोह हवा कशा । दारूचाची ।।

सुपारी गुटखा । विषारी सगळे ।।

तोंडाचे वाटोळे । कशापायी ।।

सिगारेट गांजा । धुराचा तो लोट ।।

फुफ्फुसांची वाट । लावितसे ।।

नका पिऊ दारू । जीवन सुधारू ।।

आनंदाचा वारू । चोहीकडे ।।

सोडा धूम्रपान । देह ठेवा छान ।।

जगुया जीवन । आनंदाने ।।