रानफुले
रानफुले
1 min
446
गर्द हिरव्या पानात
फुले सुंदर गोजिरी
रंग घेऊन जांभळा
मन प्रसन्न रे करी
जणू डुले कर्णफुले
कानी गवताच्या राणी
शोभे फुलांची रांगोळी
झाली सुगंधी धरणी
रंग तजेला घेऊन
मस्त वाऱ्यात डुलती
धुंद होऊन सुमने
पहा हासत नाचती
रूप देखणे घेवून
जन्म वेलीवर घेती
गंध वाऱ्यात सोडून
सारा सुवास पेरती
किती गोड हा ताटवा
चक्षु भुरळ पाडती
दान निसर्ग पाहून
डोळे आनंदून जाती
फुले कोमल स्वच्छंद
झोका वाऱ्यासवे घेती
रानफुल वर्षावात
कशी अवनी ही न्हाती