કુમળી નજાકતો
કુમળી નજાકતો
1 min
6.9K
આંખે ચડીને બોલતી કુમળી નજાકતો,
જીવન જગતમાં ચાલતી વરવી સદાકતો.
આભે અડીને જીવવા ભરતા ઉડાન પણ,
કિંતુ ધરાને બાંધતી ફરતી કવાયતો.
છુટા પડેલા આતમે કરતા ઉપાસના,
ભુખ્યા જનોને પોષતી મરમી સખાવતો.
ખરતા થયેલા તારલા છોડી ચમક દમક,
નજરો નજરને ફોડતી નઘરી અદાવતો.
અળગા વસીને જીવતા ચોકા સમાજનાં ,
ભેદી ભરમ ને પોષતી સઘળી નદામતો.
વિખરી ગયેલા જાતના વાડા અલગ થલગ,
નજરે ચડીને બોલતી વધતી વસાહતો.
ધ્રૃવી કરણના દોરની માસૂમ અસર તળે,
ભેગા મળીને જીવવા ચલતી ઇબાદતો