અંધકાર ની પણ હદ છે
અંધકાર ની પણ હદ છે
1 min
452
આ અંતરના સૂરજની પણ એક હદ છે,
દર્દોથી ઊભા થતાં અંધકારની પણ હદ છે.
દ્વંદ્વો પ્રેમના જીવનમાં તો અવિરત રહ્યા છે,
જાણું છું પ્રેમ તને પણ મુજથી અનહદ છે.
કારણ વગરનું આ મારું અસ્તિત્વ રહ્યું છે,
છતાંય જે મળ્યું તેનાથી હૈયું આ ગદગદ છે.
ફાગણીએ કેસરીયો કેસુડો ખીલી રહ્યો છે,
અહીં જીવન સફરમાં તો કંટકો પદ પદ છે.
ભર વસંતે પણ મીલન પાનખર થૈ રહ્યું છે,
ને તારી જુદાઈની આ દિવાલ અભેદ છે.
શાલીનતા ની કાનસ જાતને ઘસી રહી છે,
ભેદ આ જીવનનો છતાં પણ અનભેદ છે.
દર્દોથી ઊભા થતાં અંધકારની પણ હદ છે,
તેના થકી નિલની રચના, છંદ ને પદ છે.