માણસ હવે

દરરોજ હું બનતો હતો માણસ હવે
આ પ્રેમમાં મરતો હતો માણસ હવે

મડદાં હવે નાટક નથી કરતા જુઓ
સાગર તટે તરતો હતો માણસ હવે

કાગળ બનીને શું કરી શક્યા તમે
દર્દો સહી લખતો હતો માણસ હવે

જાણે નવી ઘટના ઘટી લાગી હવે
ઈશ્વર કને નમતો હતો માણસ હવે

બોલી શકું એ દર્દતો મારે નથી
ઘાયલ થઈ ફરતો હતો માણસ હવે

એની હસી આજે અલગ લાગી હતી
આખું જીવન રડતો હતો માણસ હવે

બોલી ગયા હે રામ તો મૃત્યુ સફળ
આવી રમત રમતો હતો માણસ હવે