મન પતંગ

બન્યું છે મન પતંગ

છે દોર તારા હાથમાં

તું દે ઢીલ કે પેચ લગાવ

છે દોર તારા હાથમાં

મારું તો બન્યું છે મન પતંગ

પતંગ અને દોરનો સાથ છે અલગ

એકબીજાને સાચવવા માં જ વિતાવે જીવન

પતંગ નો સાથ આપવા જ તો દોર મંજાય છે

પછી એજ દોર પતંગમાં સમાય છે

એકબીજામાં એકાકાર થઈ

નીકળી પડે છે ખુલ્લા આકાશમાં

આજે તો જાણે

રાસલીલા ગગન મંડપમાં

આવ કાના હું પણ સમાંઉ તારા ઉરમાં

રાધા ને કૃષ્ણ જાણે એક થયા બ્રહ્માંડમાં