નાનકડો આધાર
નાનકડો આધાર
1 min
6.8K
વર્ષો વીતી ગયા ચાર ચાર,
સર્જનહાર થયા દયાના દાતાર,
‘ખુશ’ રૂપી આપ્યો નાનકડો આધાર..
હશે તે, અને ઉતારે સઘળો ભાર,
‘ખુશ’ જાણે, ઉત્સાહ આનંદની ધાર,
ઘરમાં જાણે, ધમાલની ભરમાર,
ખેંચી નાખે, આ તંબુરાના સઘળાયે તાર,
પણ મજાનો, નાનકડો આધાર..
ખાવાની કોઈ સીમા નહિ, ખાય અપાર,
ભાત ખાય ઓછો, અને પી’ જાય દાળ,
પ્રશ્નો આખો દિવસ, પ્રશ્નોનો ભરમાર,
હોશિયારી એટલી બતાવે, કે આપણે ગમાર,
પણ મજાનો નાનકડો આધાર..
ગુજરાતીને કરે બોવ બધો પ્યાર,
કોઈ કે ‘ટોઇલેટ’, તો કે તેને ‘જાજરૂ’ કેવાય,
તર્ક એટલા બધા લડાવે, મને લાગે ચમત્કાર,
ઉંચી થતી ટ્રોલીમાંથી પડતી રેતી જોઈ કહે,
ટેકટરે ‘છી’ કર્યું કેવાય,
બોલો હસવું આયુ ને?
આવો મજાનો નાનકડો આધાર.