ସତସତିକା
ସତସତିକା
ତୁମ ପାଇଁ ମିଛମିଛିକା
ଦିନେ ଯାହା ଥିଲା
ତାହା ଯେ ମୋ ପାଇଁ ଥିଲା
ମୋ ଜୀବନର ଘଟଣା ସତସତିକା।। ( 1 )
ତୁମର ପ୍ରେମ ସହ ଖେଳ
ଥିଲା ପ୍ରତାରଣାର ପ୍ରତୀକ
ମୋ ଭାବନା ସହ ଖେଳ
ଅନ୍ତର ଆତ୍ମାର କ୍ରନ୍ଦନ।। ( 2 )
ତୁମେ କି ବୁଝି ପାରିବ ମୋ ମନର କଥା
ମୋ ଭଙ୍ଗା ହୃଦୟର ବ୍ୟଥା
ପ୍ରେମ ବାହାନାରେ ତୁମେ ମୋ ସହ ଖେଳୁ ଥିଲ ପରା
ମୋ ହୃଦୟକୁ କରି ଚୁନା ଚୁନା।। ( 3 )
ମିଛ ମିଛିକା ଖେଳ ତୁମର
ସାଜିଛି ମୋ ଜୀବନର କଳଙ୍କ
ଆଖି ଲୁହର ହୋଇଛି ପ୍ରତୀକ
ସତସତିକା ମୋ ଭଙ୍ଗା ହୃଦୟର କୋହ।। ( 4 )
ମିଛମିଛିକା ବାନ୍ଧିଲ ମୋତେ
ପ୍ରେମ ସମ୍ପର୍କରେ ଆଉ ବନ୍ଧନରେ
ହେଲେ ଜାଣି ପାରିଲି ନାହିଁ ଯେ ନ ଥିଲା ପ୍ରେମ କେବେ
ସେ ତ ଥିଲା ମୋ ବେକର ଶିକୁଳିଟିଏ ।। ( 5 )
ତୁମର ଯଦି ମୋତେ ମାରିବାର ଯଦି ଥିଲା
ମୋତେ ବିଷ ଦେଲ ନାହିଁ କିଆଁ
ଭୁଲ ତୁମେ କରି ମୋ ଉପରେ ଲଗାଇଲ ମିଛ ଲାଞ୍ଛନା
ହୃଦୟ ଆଜି ମୋର ଜଳୁଛି ତୁମେ ଜଳାଇ ଥିବା ଅଗ୍ନିରେ ପରା।। ( 6 )
ମିଛମିଛିକା ନୁହେଁ ଆଖି ଲୁହ ମୋର
ଏ ତ ହୃଦୟର ବହୁ ଥିବା ବେଦନା ଚିନନ୍ତନର
ସତସତିକା ଦିନେ ତୁମେ ପାଇବ ତୁମ କର୍ମଫଳ
ଜଳିବ ତୁମେ ବି ଦିନେ ଅଗ୍ନିରେ ସେ ଯେ ଅନୁତାପର।। ( 7 )