🌹ପୂର୍ଣ୍ଣଛେଦ🌹

ଯାହା ତୁ କହିଛୁ  ତାହା ମୁଁ କରିଛି

     ମୋ କଥାକୁ ମନେ ଧର

ତୋ ବିନା ସମ୍ଭାଳି  ପାରୁନି ମୁଁ ବଞ୍ଚି

      ଦୁନିଆ ଲାଗେ ଜହର

ଦୁଃଖ ପିଇ ସୁଖ   ଦେଇଥିଲି ତୋତେ

      ମୋ ହୃଦେ ଥିଲୁ ସାଇତି

ରାଣୀ କରିବାକୁ   କଥା ଦେଇଥିଲି

       ଦେଖା ତୋ ହୁଏ  ନିଇତି

ମୋ ଜୀବନ ଠାରୁ   ଅଧିକ ସୁନ୍ଦରୀ

      ପାଉଥିଲି  ତୋତେ ଭଲ

କେଉଁ ଅଭିମାନେ   ଦେଲୁ ଆଡକରି

      ମୋତେ କରି କଲବଲ

ଦିନେ ନ ଦେଖିଲେ  କଥା ନ ଗପିଲେ

       ନିଦ ହୁଏନି  ରାତିରେ

ଏବେ ଝୁଣ୍ଚି ଝୁଣ୍ଟି   ବାଟ ମୁଁ  ଚାଲୁଛି 

      ଅଜଣା କେଉଁ ପଥରେ

ଯେଉଁ ହୃଦୟରେ   ଜାଗାା ଦେଇଥିଲି

      ସେ ହୃଦୟ ଭାଙ୍ଗି ଦେଲୁ 

ବାଟ ଆଡ କରି  ମୁଁହ ମୋଡି ଦେଇ

     କା ସାଥିରେ ଚାଲି ଗଲୁ

ଜୀବନେ ଟାଣିଲୁ   ପୂର୍ଣ୍ଣଛେଦ ଟିଏ  

      ପାରୁନି  ଲିଭାଇ ତାକୁ

ତୁହି ଗଲା ପରେ   ଜୀବନେ ଦ୍ବିତୀୟ

      ଭଲ ପାଉନି  କାହାକୁ