Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Prasanta kumar Hota

Others Romance

3  

Prasanta kumar Hota

Others Romance

ପ୍ରଥମ ଦୃଷ୍ଟିରେ

ପ୍ରଥମ ଦୃଷ୍ଟିରେ

1 min
13.7K


ଧିର ପଦେ ଶିର କରି ଅବଗାହେ

ଧବଳିମା ଧରି ନିଜ ପରିଧେୟେ

ମନ୍ଦିର ବେଢାରେ ହୁଅନ୍ତେ ଦଣ୍ଡାୟ

ବେପଥୁରେ ତନୁ ହେଲା ନିଃସହାୟ ।

ଦୃଷ୍ଟି ସମ୍ମିଳିତ ହୁଅନ୍ତେ ତାଠାରେ

ପଲକେ ପୁଲକ ଫୁଟିଲା ଶିହରେ

ଵିସ୍ମରଣ ହେଲି ନିମିଷେ ଦେଉଳ

ଦେଖୁଥିଲା ନେତ୍ର ଯଥା କପିଞ୍ଜଳ ।

ଜାଣି ପାରିଲିନି ମନ୍ଦିର ମହତ

କେତେ ଵା ବାଞ୍ଛିତ କେତେ ଅବାଞ୍ଛିତ

ଯେପରି ଦେଖୁଛି ପ୍ରିୟତମା ମୋର

ପାଇବିକି ତାକୁ ପାଇ ହେବି ତାର ।

ଚେତନା ଚେତନ୍ତେ ହେଲା ଭାବାନ୍ତର

କାହାପାଇଁ କେତେ କରୁଛି କଦର

ଦେଉଳ ଭିତରେ ଠିଆ ହେଇ ହେଇ

ଦୌର୍ବଲ୍ୟ ଧାଉଁଛି ଦୁର୍ବିସହ ହୋଇ ।

ନଶ୍ଵର ଚେତନା ହେଲେ କ୍ଷଣସ୍ଥାୟୀ

ଈଶ୍ୱର ଇଙ୍ଗିତ କରେ କାଳଜୟୀ

ଏମନ ଵୁଝେନା ପାପ ଅବା ପୁଣ୍ୟ

କେଉଁଠି କଳୁଷ କେଉଁଠାରେ ଧର୍ମ ।

ଜ୍ଞାତ ଅଜ୍ଞାତରେ ଜାଣିବାର ଚେଷ୍ଟା

ନ ଥିଲା ପ୍ରୟାସ ନଥିଲା ପ୍ରଚେଷ୍ଟା

ତଥାପି ସେ ମୁହଁ ଧିରେ ଧିରେ ଆସେ

ଦେଉଳ ଦୀପର ଆଲୋକ ଆବେଶେ ।

ଜହ୍ନ ଆଲୁଅରେ କେବେବି ଝଲସେ

ସତେକି ଏ ପ୍ରେମ ଥିଲା ଆଦ୍ୟରସେ

ପ୍ରଥମ ପ୍ରେମର ପ୍ରଥମ ଝଲକେ

ରହିଛି ସାଥିରେ ଧରିଛି ମୁଁ ବୁକେ ।

ପ୍ରଶାନ୍ତ କୁମାର ହୋତା


Rate this content
Log in