ନବବର୍ଷ

କାନ୍ଥେ ଟଙ୍ଗାଥିବା କ୍ୟାଲେଣ୍ଡରଟିର

ଯିବା ବେଳ ଆସିଯାଏ 

ପୁରୁଣାକୁ କାଢି ସେଇ ସ୍ଥାନଟିରେ

ନୂଆ ପୁଣି ସଜାହୁଏ ।

ଅତୀତ ଦିନର ସ୍ମୃତି ସବୁତକ

ମନେ ରହେ ଘର କରି 

ମନରେ ଆନନ୍ଦ ଉଲ୍ଲାସର ଭାବ 

ନବବର୍ଷ ଆସେ ଧରି ।

କାହା ପାଇଁ ଦୁଃଖ କାହା ପାଇଁ ସୁଖ

ସବୁ ତ କର୍ମର ଫଳ 

ସମୟ କାହାକୁ ଅପେକ୍ଷା କରେନା

ଗଡ଼ି ଚାଲିଥାଏ ବେଳ ।

ଏ ନବବରଷ ଆଣି ଦେଉ ଜନେ

ସଭିଙ୍କ ଜୀବନେ ସୁଖ 

ପ୍ରଭୁ କୃପା ହେଉ ଦୁଃଖି ଜନ ଠାରୁ

ହଟିଯାଉ ସଦା ଦୁଃଖ ।

ଅସତ୍ୟ ପଥରେ ପାଦ ଖସିଗଲେ

ନେଉ ଏ ବର୍ଷ କୋଳେଇ 

ସତ୍ୟର ପଥରେ ବାଟ ଚାଲିବାକୁ

ହାତ ଧରି ଯାଉ ନେଇ ।

ସଭିଙ୍କ ମନରେ ଆତ୍ମୀୟତା ଜାଗୁ

ହସିଉଠୁ ଏ ଜୀବନ 

ଏଇ ମୋ ଗୁହାରୀ ମହାପ୍ରଭୁ ଠାରେ

ସଭିଙ୍କୁ ଅଭିନନ୍ଦନ ।