ମୃଦଙ୍ଗ ମୁରଲୀ

॥ ମୃଦଙ୍ଗ ମୁରଲୀ ॥

ଗୌରାଙ୍ଗ ହାତରେ ମୃଦଙ୍ଗ ବାଜୁଛି

କାହ୍ନୁ ହାତେ ବାଜେ ମୁରଲୀ

ଜଣେ ବାଜୁଛି ଢାଉଁ ଢାଉଁ

ଜଣେ ସତେ କୋଇଲି ॥

ଖାଉଛି ପ୍ରହାର କାନ୍ଦୁଛି ମୃଦଙ୍ଗ

ମୁରଲୀ ଗାଉଛି ଆନନ୍ଦେ

ଦେଖି ମୁରଲୀ ର ଖିଲି ହସ

କହେ ମୃଦଙ୍ଗ କ୍ରୋଧେ ॥

ଧନ୍ୟ ରେ ମୁରଲୀ ଧନ୍ୟ ତୋର ହସ

କାହ୍ନୁ ଦୟା ରେ ତୁ ହସୁଛୁ

କାହୁଁ ବୁଝିବୁ ତୁ ମୋର ଦୁଃଖ

ମୋତେ ହସି ଦେଖୁଛୁ ॥

ମୃଦଙ୍ଗ ର କଥା ଶୁଣିଲା ମୁରଲୀ

ଅଳପ ହସି ସେ କହିଲା

ତୋର ହୃଦୟେ ମାରିଛୁ ତାଲା

ମୋର ହୃଦୟ ଖୋଲା ॥

ହୃଦୟେ ନାହିଁ ମୋ ଛନ୍ଦ କି କପଟ

ମନ ହୃଦୟ ମୋ ସମାନ

ମୋର ହୃଦୟେ ଥାଏ ଯେ ଭାବ

ମୂଖେ ନଥାଏ ଆନ ॥

କହୁ ରେ ମୃଦଙ୍ଗ ମୁହଁ ଟାଣ କରି

ହୃଦୟେ କପଟ ଭରିଛୁ

ତୋର ହୃଦୟେ ରହିଛି କିଛି

ମୂଖେ କିଛି କହୁଛୁ ॥

ସେଥିପାଇଁ ତୁହି ଖାଉଛୁ ପ୍ରହାର

କାହ୍ନୁ ଓଠ ଛୁଇଁ ଯାଏ ମୁଁ

ସେଇ ମୋହନ ମୁରଲୀ ଛନ୍ଦେ

ବାଜି ଉଠୁଛୁ ତୁ ॥

<<ଜ୍ୟୋତିରଞନ ସାହୁ>>