ମାଟି ସିଲଟ

ଅଲଗା କିଛି ଆନନ୍ଦ

ଆଉ କିଛି ନୂଆ ଉତ୍ସାହ

ମନରେ ଉଙ୍କି ମାରେ ଏମିତି ଅନେକ କିଛି

ଭୟ ମଧ୍ୟ ଭରପୁର

ରହିଥାଏ ମନ ମଧ୍ୟରେ ll

ନୂଆ ନୂଆ ତ 

ନିଜଠାରୁ ମଧ୍ୟ ଅଧିକ ନିଜର ଲାଗେ

ବିଶେଷ ଯତ୍ନ ନେଉ

ନିଜଠାରୁ ମଧ୍ୟ ଅଧିକ ll

ଡର ଲାଗୁଥାଏ

କାଳେ ଭାଙ୍ଗିଯିବ

ନୂଆ ତ ନିଶ୍ଚୟ ମିଳିବ

କିନ୍ତୁ ମାଡ଼ ତା ତୁଳନାରେ 

ଢେର ଅଧିକ ମିଳିବ ll

ଏମିତି ଅନେକ କିଛି

ଅଭୂଲା ଚିରସ୍ମରଣୀୟ ସ୍ମୃତି

ଯୋଡିହୋଇ ରହିଛି

ଏହି ମାଟି ସିଲଟ ସହିତ ll

ଏହା ହୋଇପାରେ ଅତୀତ

କିନ୍ତୁ ଏବେ ମଧ୍ୟ 

ମାନସ ପଟରେ ଜୀବନ୍ତ 

ଏହା ନିଶ୍ଚିତ ll

ଜୀବନର ପ୍ରଥମ ଶିକ୍ଷା ଆଉ ସଂସ୍କାର

ସଂସ୍କୃତି ଏବଂ ନୀତିଶିକ୍ଷା

ଆରମ୍ଭ ହେଉଥିଲା

ଏହି ମାଟି ସିଲଟ ମାଧ୍ୟମରେ ll

କିନ୍ତୁ ଏବେ ବିଜ୍ଞାନର

ଦ୍ରୁତ ଅଗ୍ରଗତି ସହିତ

ବଦଳି ଯାଇଛି ପରିବେଶ

ଏବଂ ପରିସ୍ଥିତି ll

ମାଟି ସିଲଟ ନିଜର ପରିଚୟ

ଏବେ ମଧ୍ୟ ଖୋଜୁଛି କିନ୍ତୁ 

ରହିଯାଇଛି ବିଜ୍ଞାନର 

ପରଦା ଆଢୁଆଳରେ ll

କିନ୍ତୁ ଦିନେ ନା ଦିନେ

ଏହି ମାଟି ସିଲଟ ହିଁ ଥିଲା

ଶିକ୍ଷା ଦାନ ର ପ୍ରମୁଖ ଏବଂ ଏକମାତ୍ର ବିକଳ୍ପ

ଏହା ହିଁ ସତ୍ୟ ll