ମାଆ

କେବେ କେବେ ଭାବେ ମୁଁ

ତୁମ ଯନ୍ତ୍ରଣାର ଆହା ଟିକେ ହୋଇପାରନ୍ତି କି

ନହେଲେ ତୁମ ଅଶେଷ ଖୁସିର ରାହା

କିମ୍ବା ରୁମାଲ ଟିଏ ହୋଇ ତୁମେ ଥକି ଗଲେ

ତୁମ ଝାଳ ସବୁ ପୋଛିପାରନ୍ତି କି

ନହେଲେ ଶାଢ଼ୀ ଟିଏ ହୋଇ

ତୁମ ଦେହରେ ସବୁ ବେଳେ ଯୋଡ଼ି ରୁହନ୍ତି

ଯେମିତି ପିଲାବେଳେ ତୁମେ ମୋତେ ଧରୁଥିଲ

ନହେଲେ ଟିକିଲି ଟିଏ ହୋଇ ତୁମ

ମୁଣ୍ଡରେ ସବୁବେଳେ ଲାଖି ରୁହନ୍ତି କି

ଯେମିତି ତୁମେ ମୋ ଭିତରେ ଦୁନିଆ ଦେଖିଛ

ମୁଁ ତୁମ ଭିତରେ ବି ଦୁନିଆ ଦେଖିଛି

ହେଲେ ଯେତେ ତୁମେ ମୋତେ ଭଲ ପାଉଛ

ମୁଁ ତୁମକୁ ଭଲ ପାଇପରାନ୍ତି କି

ଯେତେ ସ୍ନେହ ଆଉ ଯତ୍ନ ତୁମେ ମୋତେ କରିଛ

ମୁଁ ତୁମକୁ ସେତିକି ଯତ୍ନ କରି ପାରନ୍ତି କି

ମୋର ଯଦି ପୁନର୍ଜନ୍ମ ହୁଏ

ମୁଁ ପୁଣି ତୁମ କୋଳରେ ଜନ୍ମ ହେବାକୁ ଚାହେଁ ନାହିଁ

ତୁମ ବାପା କିମ୍ବା ମାଆ ହୋଇ

ତୁମ କୁ ଜନ୍ମ ଦେବାକୁ ଚାହେଁ

ତୁମର ସେ ଭାଙ୍ଗି ଯାଇଥିବା ସପ୍ନ ସବୁକୁ

ପୁଣି ଯୋଡ଼ି ବାକୁ ଚାହେଁ

ତୁମର ସେ ହଜି ଯାଇଥିବା ପିଲାଦିନ ରେ

ମୁଁ ପୁଣି ରଙ୍ଗ ଦବାକୁ ଚାହେଁ

ତୁମର ଲୁକ୍କାୟିତ ପ୍ରତ୍ୟେକ ଛୋଟ ଛୋଟ

ପ୍ରତିଭାକୁ ଦୁନିଆକୁ ଦେଖାଇବାକୁ ଚାହେଁ

ଆଗ ଜନ୍ମ ସବୁରେ ମୁଁ ତୁମ ପୁଅ ନୁହେଁ

ତୁମ ବାପା ନହେଲେ ମାଆ ହେବାକୁ ଚାହେଁ

ତୁମେ ଦେଇ ଥିବା ସ୍ନେହ ଫେରାଇବା ପାଇଁ ନୁହେଁ

ତୁମ ମୁହଁରେ ଟିକେ ହସ ଦେବାକୁ ଚାହେଁ ।