ଜନ୍ମ ମାଟିର ବାସ୍ନା

ଜନ୍ମମାଟିର ବାସ୍ନା ସତରେ ନିଆରା

ଥିଲେ ଯେତେ ଦୂରେ ଅଭୁଲା

ତାରୂପଚିତ୍ରର ଚାରୁ ମୂର୍ଚ୍ଛନା

ସ୍ମୃତି ଗନ୍ତାଘରେ ଚିର ସବୁଜ 

ମନେପଡେ ତା ଭୂମିରୁ ଭୂମାର

ମହକ ନୈସର୍ଗିକ

ତା ପ୍ରତ୍ୟୁଷ ଆରମ୍ଭ ଶାଶ୍ୱତ ପ୍ରୀତିରେ

ଯେବେ କମଳ ବାନ୍ଧବ

ଛୁଇଁଯାଏ ତା ନବନୀତ ତନୁ

ସିରିସିରି ଅମାନିଆ ଗନ୍ଧବହ

ଚୁମେ ତାର ବୁକୁ

ତାର ଆବାଳ ବୃଦ୍ଧ ବନିତା

କେତେ ଦୁଃଖ ସୁଖ ସହି

କର୍ମ ଜଞ୍ଜାଜେରତ

ମନେପଡେ ମନ୍ଦିର ବେଢାରେ

ଝରା ଶେଫାଳିର ଭୁରୁଭୁରୁ ମହକ

ପ୍ରକୃତି ତନୟା ତଟିନୀର

ଶୋଭା ବିଭବ ଅପାସୋରା

ତାର ଦୁଇ ପଥ ଧାରେ

ଆମ୍ରକୁଞ୍ଜେ ପରଭୃତର କୁଜନ

ସାଥେ ବକୁଲର ମହକ 

ସତେ ଅବା ନନ୍ଦନ ବନର ଶିରି ।