ହାଟରେ ବେପାର ଜମେ

କିଣାବିକା ପାଇଁ ଉପଯୁକ୍ତ ସ୍ଥାନ,

ଆମ ଅଞ୍ଚଳର ହାଟ ।

ଏହି ହାଟଟିରେ ବେପାରୀ,ଗରାଖ,

ହୋଇଥାନ୍ତି ପରା ଭେଟ ।।

ବେପାରୀ ଆସଇ ନିଜ ଜିନିଷକୁ,

ହାଟରେ ବିକିବା ପାଇଁ ।

ନିଜ ଆବଶ୍ୟକ ଜିନିଷ ପାଇଁ ତ,

ଗରାଖ ଆସଇ ଧାଇଁ ।।

ସପ୍ତାହରେ ଥରେ କିମ୍ବା ଦୁଇଥର,

ଆମ ଏ ହାଟଟି ବସେ ।

ଭଳିଭଳି ସବୁ ଜିନିଷ ମିଳଇ,

ଗରାଖର ମନ ତୋଷେ ।।

ହାଟ ବସୁଥିଲେ ଚାଷୀଟିଏ ତା'ର,

ଜିନିଷକୁ ଦିଏ ବିକି ।

ଭଲ ଦି ପଇସା କରେ ରୋଜଗାର,

ହାଟର ଭିଡକୁ ଦେଖି ।।

ଏହି ହାଟ ପାଇଁ ଜିନିଷର ମୂଲ୍ୟ,

ଗରାଖ ନିମନ୍ତେ କମେ ।

ଖୁସିରେ ଗରାଖ କିଣଇ ଜିନିଷ,

ହାଟରେ ବେପାର ଜମେ ।।