ଦି' ଛକିରେ ଜୀବନ
ଦି' ଛକିରେ ଜୀବନ
![](https://cdn.storymirror.com/static/1pximage.jpeg)
![](https://cdn.storymirror.com/static/1pximage.jpeg)
ସୁଖ ଦୁଃଖ ଦୁଇ ଭାଇ ଏଇତ ଦୁନିଆ ରୀତି
ଦିନ ରାତି ହୋଇ ଏଠି ସମୟଟା ଯାଏ ବିତି
ସବୁକୁ ସହେ ଏ ଛାତି ଥିବା ଯାଏ ସ୍ଵନ୍ଦନ
ଦି' ଛକିରେ ଜୀବନ.. ଦି' ଛକିରେ ଜୀବନ ।। 1 ।।
ଭାଗ୍ୟ ଏଠି ଲୁଚକାଳି ଖେଳେ କା ସାଥିରେ
ସମୟ ବି ଦିଏ ଧୋକା ଆଖି ପଲକରେ
ଭାଇ ହୁଏ କେବେ ପୁଣି ଏଇଠି ଭଗାରୀ
ନୁହନ୍ତି ଏ ଦୁନିଆରେ କିଏ ତ କାହାରି
ସତ କେବେ ହୁଏ ନାହିଁ ଏ ଆଖିର ସପନ
ଦି' ଛକିରେ ଜୀବନ.. ଦି' ଛକିରେ ଜୀବନ ।।2।।
ବଣରେ ଲାଗିଲେ ନିଆଁ ଜାଣନ୍ତି ସଭିଏଁ
ମନରେ ଲାଗିଲେ ନିଆଁ ଜାଣିବ ବା କିଏ
ବିଶ୍ଵାସରେ ବିଷ ଦେବା ଲୋକ ଯେ ଅନେକ
ଭିକାରୀ ହାତରୁ ଏଠି ଛଡ଼ା ହୁଏ ଭିକ
ହିଂସାର ଏ ଦରବାରେ ପାପ ଏଠି ଚନ୍ଦନ
ଦି' ଛକିରେ ଜୀବନ... ଦି' ଛକିରେ ଜୀବନ... ।। 3।।