ଚାଷୀର ଖୁସି

ଖୁସି ଯେ ଖୁସି

     ସେ ଚାଷୀର ଖୁସି

ବରଷା ରାଣୀ ଆଣିଲା ଡାକି ।

ହାତେ ଧରି ଲଙ୍ଗଳ

     ସାଥେ ନେଇ ବଳଦ

ଖୁସିମନେ ଯେ ସେ କରିବ ହଳ ।

ଆଖିରେ ନେଇ କେତେ ସପନ

    ବୁଣିବ ସେ ଧାନ ଗହମ

ହୋଇ ଅଙ୍କୁର ବଢିବ ଫସଲ

   ସୁନାରେ ଦିନେ ଭରିବ ଖେତ ।

ଆସିବ ଯେବେ ଶସ୍ୟ

    ଅମଳ ହେବା ସମୟ

ପୂରିଲେ ନପୂରିବ ଚାଷୀର ଯତନ ।

କି ସଞ୍ଜ କି ସକାଳ

   ମନଖୁସିରେ ସେ ଧାଇଁବ

ଦେଖିବାକୁ ତା ରତନ ।

ପାଳିବ ସେ ଦିନ 

   ବାରମାସର ତେର ପରବ

ପିନ୍ଧି ନୂଆ ଲୁଗା

    କରି ଦିଅଁ ପୂଜା

ନାଚିବ ଖୋଲି ମନ

    ଖାଇ ନାନା ପିଠା

ସତେ ଯେମିତି କ୍ଳାନ୍ତ ତାର

   ମେଣ୍ଟିଯାଏ ବରଷର ।

ସେଦିନ ତା ଓଠରୁ

     ଝରେ ରସ

ହସଖୁସିର ତାଜା ତାଜା....।।