ଦୀପଟିଏ ମୋତେ କରିଦିଅ ପ୍ରଭୁ

ଶୁଣ ଶୁଣ ହେ ଜଗତ ପାଳକ

ହୋଇ ବ୍ୟାକୁଳ ଡାକେ ଝିଅ ତୁମର ।

ଦୀପ ଟିଏ ମୋତେ କରିଦିଅ ପ୍ରଭୁ

   ତୁମ ପ୍ରେମେ ଯିବି ଜଳି ।

ଅନ୍ଧକାର ହଟେଇ ଆଲୋକ ମୁଁ ଦେବି

    ନାମ ତୁମ ଗାଇ ଗାଇ ।

ତୁମେ ମୋ ଭକତି ତୁମେ ମୋ ଶକତି

 ତୁମ ବିନା କେହି ନାହିଁ ଯେ ମୋହରି ।

ତୁମ ନାମ ନେଇ ମୁଁ ଜଳୁଥିବି

   ପ୍ରତି ମୁହୂର୍ତ୍ତେ ତୁମକୁ ପୂଜିବି ।

 ନା ରଖିବି ଆଶା ନା ଆସିବ ନିରାଶା

   କରୁଥିବି ଚିନ୍ତନ ତୁମରି ଗାଥା ।

ତୁମକୁ ଦ

Advertisement

େଖି ଜଳିବି ତୁମକୁ ଦେଖି ଲିଭିବି

   ତୁମ ପାଦ ପଦ୍ମରେ ମୁଁ ରହିଥିବି ।

ତୁମରି ମନ୍ଦିରେ ତୁମରି ସମ୍ମୁଖେ 

  ଦୀପ ଶିଖା ହୋଇ ଜଳିବି ଖୁସିରେ ।

ଦିଅ ମୋତେ ଆଶିଷ ହେ କରୁଣାକର

 ରଖିବ ପାଶେ ଜୀବନ ଥିବା ଯାଏ ମୋର ।

ଉଜ୍ଜଳ ନକ୍ଷତ୍ର ସମ ନପାରିଲେ ହେଁ ଜଳି

 ଭକ୍ତିରେ ତୁମ ଝଲସିବି ଚନ୍ଦ୍ରମା ପରି ନିତି ।

 ହେ ସୁଖ ଦାୟକ ଦୁଃଖ ନିବାରକ

   ରଖ ତୁମ ସମୀପେ ନକରି ହଟ ।

ତୁମେ ସୃଷ୍ଟି କର୍ତ୍ତା ତୁମେ ରଚୟିତା

  ଦୀପଟିଏ କର ମୋତେ ଭାଗ୍ୟ ବିଧାତା ।