ଈଶ୍ବରଙ୍କ ସୃଷ୍ଟି

  ପ୍ରଭୁ ତୁମ ସୃଷ୍ଟି ଏତେ ମନୋହର

  ଦେଖି ଏ ସଂସାର ହୁଏ ଆଚମ୍ବିତ ।

  ନ ରଖିଛ ବାକି କିଛି ଗଢ଼ିବାକୁ

  ନ କରିଛ ଊଣା କିଛି ଦେବାକୁ ।

 ଆଜି ଅଛି ଜୀବନ କାଲିକୁ ନଥିବ

 ହେଲେ ଏ ସୃଷ୍ଟି ସମ୍ଭାର ଚମକୁଥିବ ।

  କେତେ ଯେ ଯତନେ ଗଢ଼ିଛ ସବୁ 

କେତେ ଯେ ପ୍ରେମରେ ପାଳିଛ ଆମକୁ ।

   ତୁମେ ହିଁ ବୁଦ୍ଧି ତୁମେ ହିଁ ସିଦ୍ଧି

  ତୁମ ବିନା ସବୁ ଶୂନ୍ୟ ଠୁ ବଳି ।

  କେବେ ଉତ୍ଥାନ କେବେ ପତନ

 ମଣିଷ ଜୀବନେ ଆସେ ପ୍ରତିକ୍ଷଣ ।

 ହେଲେ ଏ ସଂସାର ଗଢିଛ ଏମିତି

  ସବୁଠି ଲୁଚିଛି କେବଳ ଉନ୍ନତି ।

  ତୁମ ସୃଷ୍ଟିର ଯେ ନାହିଁ ପରିମାପ

 ଯେଉଁଠି ଦେଖିବ ସେଇଠି ଚମତ୍କାର ।