ଭାବନା
ଭାବନା
1 min
6.7K
ଭାବନାର ହାଟେ ରାତି ମୋର ସରେ
ପଲକେ ଥାଏ ତୋ ସ୍ମୃତି
ଜହ୍ନ ର ଜୋଛନା ଲାଗେ ଫିକା ଫିକା
ଅବା ଉଆଁସର ରାତି ।
ପଲକେ ସଜାଏ ଝଲକ କୁ ତୋ'ର
ସ୍ମୃତିର ପାଖୁଡା ବୁଣି
ସେଇ ସ୍ମୃତିରେ ହଜିଯାଏ ମନ
କିଛି ବି ପାରେନି ଜାଣି ।
ଅବୁଝା ଏ ମନ ତୋ' ବାଟକୁ ଚାହେଁ
ରାତି ସରେ ଝୁରି ଝୁରି
ସପନ ସାଥୀରେ ତୋ'ହାତ ଧରି ଚାଲେ
ଅନ୍ଧାରରେ ଥିରି ଥିରି ।
ସରିଯାଏ ରାତି ସରିଯାଏ ଦିନ
ତୋ' ଭାବନାର ହାଟେ
କେବେ ସରେ ନାହିଁ ମନର ଭାବନା
ତୋ' ସ୍ମୃତିର ସଉଦା ହାଟେ ।
ପ୍ରୀତି ଭରା ଏଇ ହୃଦୟରେ ମୋର
ପଥର ଦେଇଛି ରଖି
ତତେ ଝୁରି ଝୁରି ସରୁନି ସମୟ
ଏବେ ବି ଓଦା ମୋ ଆଖି ।