ବଡଦିନ

ବିବିଧ ଧର୍ମୀୟ ଦେଶ ଭାରତ ଆମର,

                     ରହନ୍ତି ସଭିଏଁ ଏଠି ହୋଇ ଏକାକାର।

ହିନ୍ଦୁ, ମୁସଲମାନ, ଜୈନ,ଶିଖ୍, ଈସାଇ,

               କେଉଁ କାଳୁ ରହୁଛନ୍ତି ହୋଇ ଭାଇ-ଭାଇ।

ଭାରତୀୟ ପାଳନ୍ତି କେତେ ପର୍ବପର୍ବାଣୀ,

               'ଖ୍ରୀଷ୍ଟମାସ' ସେଥିରୁ ମୁଖ୍ୟ ଗୋଟିଏ ପୁଣି ।

ଡିସେମ୍ବର ପଚିଶ ଯେବେ ହୁଏ ଆଗମନ,

                       ଈସାଇ ସମୁଦାୟ ପାଳନ୍ତି ବଡଦିନ।

ସେଦିନ ଧରାରେ ଯୀଶୁ ଜନମ ହୋଇଲେ,

                ପାଶ୍ଚାତ୍ୟେ ମାନବତାର ମନ୍ତ୍ର ଶିଖାଇଲେ।

ସାନ୍ତାକ୍ଲୋଜ ଭେଟି ଦିଏ କେତେ ଉପହାର,

                ଉପହାର ପାଇ ପିଲାଏ ହୁଅନ୍ତି ବିଭୋର ।

'କ୍ରୀସମାସ ଟ୍ରୀ' ରେ ସଜେ କେତେ ଘରଦ୍ବାର,

                 ଆଲୋକ ମାଳାରେ ଝଲସି ଉଠଇ ପୁର।

ଜାତି,ଧର୍ମ ଭୁଲି ଆମେ ଏକାଠି ହୋଇବା ,

                    ସହିଷ୍ଣୁତା ହୋଇ ସଦ୍ ଭାବନା ରଖିବା।