ବୈଜ୍ଞାନିକ ଯୁଗ

ବୈଜ୍ଞାନିକ ଯୁଗ ଆସିଲା ଜାଣ,

                             ବିଜ୍ଞାନ ବଳରେ ହେବା ନିପୁଣ ।

ନୂଆ ଜିନିଷ କରି ଉଦ୍ଭାବନ,

                               ସୁଗମ କରିବା ଆମ ଜୀବନ ।

ଅସାଧ୍ୟ ରୋଗର କରି ନିଦାନ,

                               ଦୀର୍ଘାୟୁ କରିବା ଜନ ଜୀବନ।

ଦୂର ବନ୍ଧୁ ସାଥେ କରୁ ଆଳାପ,

                           ଦୂର ଦେଶ ଲାଗେ ଆମ ସମୀପ।

ବିଜ୍ଞାନ ବଳରେ ଆକାଶେ ଉଡୁ ,

                           ମୀନ ପରି ଆମେ ପାଣିରେ ବୁଡୁ।

ଅନ୍ଧ ବିଶ୍ୱାସ ଯେ ହୋଇଲା ଦୂର,

                            ମଣିଷ ଜୀବନ ହେଲା ସାକାର ।

ନୂଆ ବରଷରେ ନେବା ଶପଥ,

                               ମାନବ ସମାଜେ କରିବା ହିତ।

ପ୍ରକୃତି ବଞ୍ଚାଇ ଆମେ ଚଳିବା,

                                ପ୍ରଦୂଷଣ ପ୍ରତି ସଜାଗ ହେବା।