ବାକି ଖାଲି ତବ ଦେଖା

ସମୟ ଚାଲିଛି ଗଡି

କେତେବେଳଳେ କାଳଛଞ୍ଚାଣ ଏ ପ୍ରାଣ 

ନେବ ଏ ଦେହରୁ କାଢି ।

ଜନମି ଥିଲି ମୁଁ ଦିନେ

କରମ କରିଛି ଫଳ ମୁଁ ଭୁଞ୍ଜିଛି

ନାହିଁ ତିଳେ ଦୁଃଖ ମନେ ।

ଦେଖୁଛି ମୁଁ ତବ ଲୀଳା

କାହାକୁ ମାରୁଛ କାହାକୁ ତାରୁଛ

ଆହେ ପ୍ରଭୁ ଚକାଡୋଳା ।

ହେ ମୋ ପ୍ରାଣ ପ୍ରିୟତମ

ଭରିଛ ଜୀବନ ପାତ୍ର ବହୁ ମତେ

ନାହିଁ ଆଉ ଲୋଭ ମମ ।

ଟେକି ଉର୍ଦ୍ଧେ ବେନି ହସ୍ତ

ସମର୍ପି ଦେଇଛି ଏ ଜୀବନ ପ୍ରଭୁ

ତବ ପଦେ ଜଗନ୍ନାଥ ।

ବାହୁଡିବାକୁ ଅପେକ୍ଷା

ଚିନ୍ତା ନାହିଁ ଆଉ ଆହେ ଚିନ୍ତାମଣି

ବାକି ଖାଲି ତବ ଦେଖା ।