यालाच प्रेम म्हणायचं असतं

उगाचच्या रुसव्यांना

तू मला मनवायला

प्रेम म्हणायचं असतं

एकमेका आठवायला

आणि आठवणी जपायला

प्रेम म्हणायचं असतं

शब्दातून बरसायला

स्पर्शाने धुंद होण्याला

प्रेम म्हणायचं असतं

थोडंसं झुरण्याला

स्वतःचं न उरण्याला

प्रेम म्हणायचं असतं

भविष्याची स्वप्न रंगवत

आज आनंदात जगण्याला

प्रेम म्हणायचं असतं

कितीही रागावलं तरी

एकमेका सावरायला

प्रेम म्हणायचं असतं

तुझं-माझं न राहता

आपलं म्हणून जगायला

प्रेम म्हणायचं असतं