Best summer trip for children is with a good book! Click & use coupon code SUMM100 for Rs.100 off on StoryMirror children books.
Best summer trip for children is with a good book! Click & use coupon code SUMM100 for Rs.100 off on StoryMirror children books.

Prashant Gamare

Others


4  

Prashant Gamare

Others


वय ते बागडण्याचे....

वय ते बागडण्याचे....

1 min 401 1 min 401


*_वय ते बागडण्याचे..._*


हट्ट धरुनी मिळवण्याचे,

लटकेच रुसून रडण्याचे..

जे मनास वाटे मागण्याचे,

असते वय ते बागडण्याचे..!


मायेची दुलई पांघरताना,

आईच्या कुशीत झोपायचे..

गोष्टी ऐकत परिकथेच्या,

बाबांच्या संगतीत घोरायचे..!


कंटाळा येता शाळेचा,

खोटेच आजारी पडायचे...

टळून जाता वेळ शाळेची,

हळूच बिछान्यातून उठायचे..!


भातुकलीचा खेळ मांडुनी,

राजासारखे वागायचे...

बसून राणीच्या शेजारी,

चोरट्या नजरेने बघायचे....!


जावून माळावरती उघड्या,

फुलपाखरांना पकडायचे...

दोरे बांधून पायाला मग,

हवेत अलगत सोडायचे...!


मित्रांसोबत हुंदडताना,

खोड्या काढत फिरायचे...

कट्टी-बट्टीच्या खेळातूनही,

रागाला त्या विसरायचे...!


बालपणीचा काळ सुखाचा,

आठवणींच्या सुंदर कोषातला..

नोकरीत हरवला आजघडीला,

वेचलेला तो क्षण आयुष्यातला..!


Rate this content
Log in