वसंत
वसंत
1 min
147
वसंताची रीत वेगळी
वसंताची रया आगळी
आनंदाने नाचती सगळी
तरीही प्रिया माझी फुगली
दवावरी मोती दिसती
चम चम करुनि हसती
झाडा झुडपा वरती
फुले पाने रंग उधळती
पहाटपारी पक्षी विहरती
भव्य नभांगण सारे व्यापती
चिव चिवटाची किलबिल करती
तृप्त करण्या सारी धरती
वसुदेवाची गोड मंजुळ वाणी
गल्लो गल्ली साद घालती
उंबरठ्यावर माय माऊली
लगबगीने दान ठेवती
पाणवठ्यावर माय लेकरे येती
वासरा साठी गायी हंबरती
आनंदाची जणू लाट उसळती
वसंताने नाहते धरती
कृपा किमया ही तुझी वासुदेवा
दोळाभरुनी सदैव आम्ही पाहतो
चरा चरातील वास्तव्य देवा
अंतरात सदा मी साठवतो....!!!