वसंत - गीत
वसंत - गीत
1 min
326
फुलला वसंत ऋतू
आला आंब्याला मोहोर
सृष्टी प्रफुल्लित सारी
नाचतो अहा मनमोर
अंगणात आम्रतरूवर
फुलली लाल पालवी
नव चैतन्याचे वारे
दु:ख- निराशा घालवी
कोकीळ साद घालतो
मन होई प्रफुल्लित
ओढ लागली जीवाला
प्रेम लाभावे गंधित
प्रीत वसंत फुलला
अंग अंग रोमांचित
सृष्टीरंगाची उधळण
मनी भावना पुलकित
हृदयाच्या तालावर
आम्रतरूही डोलतो
सा-या चराचरामध्ये
धुंद मारवा गुंजतो