विषय - माझा बाप शेतकरी

बाप माझा हा शेतकरी

मला त्याचा अभिमान 

काळ्या मातीत खपतो

राखतो देशाची या शान 

घाम गाळी बाप माझा

पिकवतो भाजीपाला

रात्रंदिन खपुनिया

उपवास घडे त्याला

आई माझी सवाशीण

साता जन्माची सोबती

बापासंगे जाते रानां 

घाम गाळी त्यासंगती 

देश करण्या उज्ज्वल

हात देई मदतीचा

नफातोटा न पाहता

घास देई कमाईचा

पांग कसे फेडू देवा

होऊ कसा उतराई 

अशा मायबापाच्या मी

जीव वाहू पायी ठायी