*विषय:- चाहूल*
*विषय:- चाहूल*
गर्भारपणात मातेला लागते ती
येणा-या तिच्या बाळाची चाहूल |
चालू लागते मग तीच हळूवार
सांभाळून टाकत एकेक पाऊल | | १| |
आम्रवृक्षा बहर,कोकीळ गाते
वसंताची लागते जेव्हा चाहूल
गुंजन फुलपाखराचे, सुगंधी फुले
पडण्या दृष्टीस वळते पाऊल | | २ |
स्पर्श होताच शीतल गारव्याचा
सारा थकवा क्षणात होतो दूर |
घामाने भिजलेले अंग पाहते वाट
पाण्यात नदीच्या मारण्यास सूर | |३| |
सुखावतो पहिल्या पावसानंतरच्या
मृतिकेच्या ख-या सुगंधाचा दरवळ |
लागते चाहूल वर्षां ऋतूची अन्
मनात भावनांची उठते खळबळ | | ४| |
सृष्टीच्या पडद्यावर रंगते अनोखे
इंद्रधनुष्याचे अप्रतिम दर्शन |
नयनरम्य त्या सृष्टीच्या निर्मात्याला
करावे वाटती धन्यवाद अर्पण | | ५| |