विश्वकल्याण

अवघे विश्वची माझे घर

सार भरले शब्दा किती

आचरणात ती आणता

नष्ट होई कशी अधोगती

काल्पनिक असो वा सत्य

रामराज्य होते खास

कलियुगातील लोकांना

लागावा सत्य युगाचा ध्यास

सत्य बोलावे नि

सदा सत्य आचरावे

समाजाने समाजाचे

नेहमी कसे भान ठेवावे

सान थोर जाती वर्ण

थोतांड असे सभोवती

हे करण्यातच मानवा

तुझाच सहभाग रे किती?

का वर्णतोस रामायण

तूच घडवतो महाभारत

कलियुग म्हणण्याइतपत

मानवच भाग पाडतात

वेळ नाही संपली पण

रात्र आहे वैऱ्याची ती

संधी नको दवडू खास

सिद्ध कर विश्वनिर्मात्या ती

मानव जन्म करू सार्थक

एकमेका साहाय्य करू

नको क्लेश नको लालसा

निर्माण करू नवा कल्पतरू

सोड महाभारत ते नि

सोड रे तो कैकई मत्सर

प्रेम दे नि प्रेम घे मानवा

अवतरेल सत्ययुग पृथ्वीवर