विठू माऊली...!!🙏

उभी विटेवरी । ती विठूमाऊली ।

देते ती सावली । नेहमीच //१//

विठ्ठल विठ्ठल । नामाचा गजर ।

विठूची नजर । भक्तांवर //२ //

सान थोर नाही /विठू च्या दिंडीत

महाराष्ट्र वारीत/ उतरला // ३//

दिंडीत पताका / डोले वाऱ्यावर 

पाय तालावर / पडे पुढे //४ //

जागोजागी कसे /होतसे स्वागत

तरुण वर्गात/ चर्चा असे //५//

केशरी रंग हा/ भावतो मनाला

दिंडीत भरला /जणू मेळा //६//

टोपी नि फेटे ते / घालुनी चालती

भजन करती/ रंगुनिया //७//

भान ना देहाचं/ भान ना भुकेचं

अनवाणी पाईचं /चालती ते //८//

आस ना कशाची / निर्विकार मन

वृद्ध वा लहान /भक्तीमय //९//

आषाढी कार्तिकी/ पंढरीत वारी

नित्य नेमे करी /वारकरी // १०//

चंद्रभागे तिरी / करोनिया स्नान ।

चैतन्य उधाण /शिरले रे //११//

विठूचे दर्शन / व्हावे हीच आस ।

जळीस्थळी भास /विठूचाच //१२//

    

मनाच्या शांतीचे /एकच ठिकाण ।

विठूचे चरण / आणि काय //१३//