विजयादशमी
विजयादशमी
आला विजयादशमीचा सण
चला सीमोल्लंघन करूया
हाती घेऊन आपट्याची पाने
उत्तम विचारांचे सोने वाटुया
उत्सव असे हा आनंदाचा
असत्या वर सत्याच्या विजयाचा
गर्व अंगी धरू नका जन हो
मुख्य संदेश असे या सणाचा
कृत, त्रेता व द्वापार युगात
अवतरले पृथ्वीवर युगपुरुष
करुनि नाश असुरी शक्तींचा
दिला त्यांनी शांतीचा संदेश
अहंकारी रावणाचा नाश झाला
दुष्ट महिषासुरचा वध देवीने केला
अज्ञातवास पांडवांचा संपला
पुरातन महत्व असे या दिवसाला
या विजयादशमीला मिळून
करूया नीच प्रवृत्तीला हद्दपार
स्त्रीशक्ती सशक्तीकरणाला
देऊया आपण सारे पुढाकार
स्त्री असे अनंतकळची माता
द्या तिला ही न्याय समान
आजच्या या विजयादशमीला
करा त्या शारदेचा सन्मान