विघ्नहर्ता

देवतांच्या देवा । स्वागतम् राया ।

पडूनिया पाया । धन्य झाले ॥१॥

आला गणपती । घेवूनी शुद्धता । 

वाहे प्रसन्नता । सदनात ॥२॥

पवित्रता नांदे । सुख ओसंडूनी । 

सहवास ॠणी । देवा तुझा ॥३॥

नाम घेता तृप्त । आत्मा होई सार्थ ।

साधे परमार्थ । भक्तगण ॥४॥

अर्पिला नैवेद्य । सुग्रास भोजन ।

करावे प्राशन । लंबोदरा ॥५॥

मज दे आशिष । गणेशा सांभाळ । 

दुःख हे नाठाळ । विघ्नहर्ता ॥६॥

यावा परतूनी । आम्हांस पावावा । 

स्वर्ग तो लाभावा । एकदंता ॥७॥