वाऱ्याची एक झुळूक

एक वार्‍याची झुळूक व्हावे

आईच्या मिठीत रमून जावे

बाबांशी हितगुज करूनी

अशांत मन शांत शांत करावे....

एक वार्‍याची झुळूक व्हावे

दर्‍या खोर्‍यात मस्त हुंदडावे

पाना फुलांना स्पर्श करुनी

आनंदाने गगनी विहरत राहावे....

एक वार्‍याची झुळूक व्हावी

चांदोबाला स्पर्श करायला जावे

चांदण्याच्या रांगोळीत मनसोक्त

स्वर्गीय सुख हे अनुभवावे....

एक वार्‍याची झुळूक व्हावे

नीलवर्णी गगनी बेधुंदीत फिरावे

उंचावरून दिसणारे सृष्टीसौंदर्य

या मृगनयनी साठवून घ्यावे......