वारकरी

वारकरी होय । माळकरी होय । 

पंढरीशी जाय । विठुभेटी ॥ 

भेट घे विठुची । तुझ्या मालकाची । 

माऊली भक्तांची । विठू हाय ॥ 

ओळख तयाशी । कर कटावरी । 

उभा विटे वरी । तोच देव ॥ 

काय सांगू कुणा । संतांचा महिमा । 

आला त्यांच्या कामा। देवची रे ॥ 

भक्तीची शिदोरी । देवाशी या दे रे । 

दर्शन तू घे रे । विठोबाचे ॥ 

माय बाप हाय । धर त्याचे पाय । 

नाहीतर जाय। व्यर्थ जन्म ॥ 

भज त्यासी अता । भक्तीस धावतो 

भक्तांना पावतो । विठू माझा ॥ 

अंगद हा म्हणे । पंढरपुरा जा रे । 

देवाशी पहा रे । याच जन्मी ॥