वाद्यांची मैफिल

मैफिल वाद्यांची जमता

स्वरझंकार उमले

स्वरांतूनी शब्द उमलता

रसिक मनोमनी झुले   (1)

सिंथच्या स्वरांवरती

गाणी उडत्या चालीची

हात फिरता वेगानी

दाद मिळे ती टाळीची  (2)

व्हायोलिनचे आर्त स्वर

अंतःकरणाला भिडती

कंठस्वराच्या जवळिकीने

दुःख दर्द आळविती    (3)

दिड दा दिड दा स्वर बहारे

उत्साहाची कारंजी फुलती

नर्तन स्वरलहरींचे

रसिक मनास रिझविती   (4)

तालवाद्यांच्या झणकारांनी

मैफिलीत येई जान

सूर ताल लय नर्तनी

रसिक होई बेभान!! (5)