वाचन

लागला छंद जीवाला 

पुस्तक हवे वाचायला 

नको खाऊ नको पैसे 

वाचन पुरेसे हसायला ||१||

कथा वाचून कळते 

कसे मी जगावे 

कविता वाचून कळते 

आनंदी कसे रहावे ||२||

घडावे सुंदर चरित्र 

समजावते पुस्तक मला 

संस्कारी समाजाचे लक्षण 

पुस्तक सांगे अनुभवाला ||३||

रहस्य उलगडे हळूवार 

शहाणे करील विज्ञान 

धर्म आणि कर्म जाणावे 

वाचनाने मिळेल ज्ञान ||४||

जडावा सर्वांशी हाच छंद 

वाचता सापडावा परमानंद 

वाचन हाच नवा मंत्र

आयुष्याला देईल सुगंध ||५||