ऊनसावली

बेचव दुनिया फक्त सुखाची दु:खाने गोडी वाढे

दु:खानंतर येता सुख ते, जगण्याला मग रंग चढे

जीवन म्हणजे सुखदु:खाचे नाजूक विणले वस्त्र

जरीकिनारी आठवणींची सुरेख गुंफण असते मात्र

सुख म्हणजे आनंद मनीचा, सूर दाटती उरी

दु:ख निचरा करीते आपुल्या उद्रेकाचा तरी

आस सुखाची सदैव असते माणसास जीवनी

मनसारखे नसेल तर ही कटुता दाटे मनोमनी

सुख वाटे निरस परीही सुखदु:खाची अविट जोडी, 

दु;खानंतर निरभ्र होते आकाशाची अथांग गोडी

 दु:खानंतर येता सुख ते,जगण्याला मग रंग चढे

जुनीच नाती पुन्हा नव्याने खुलणारी ही प्रित गडे

घट्ट विणाया नाती करती दु:खाशी तडजोड कधी

रुसवे,फुगवे संसाराची हिरे माणके ठरतील मधी

उभाआडवा धागा विणूनी सुखदु:खाचे वस्त्र घडे

बेचव दुनिया फक्त सुखाची दु:खाने गोडी वाढे

विरह,वेदना,तगमग,असूया दु:खाची अनेक रुपे

झालर दु:खाची वाढवे सुखवस्त्राचे मजबूत धागे

रात्रीनंतर दिवसाची खरी महती वाढे क्षणोक्षणी

दु:खानंतर सुख वाढवी जगण्याची नवी झिंगमनी