उद्देश फुलांचा
उद्देश फुलांचा
सृष्टीस सुशोभित करतात सुगंधित फुले ही उमलणारी
चराचर गंधाळून देती अन् बनतात सुख दुःखाचे वाटेकरी
प्रसन्नतेचे लाभलेले वरदान
खुलवी वदनावर हास्य
आणले कोठून रंग अगणित ना सुटते कोड्याचे हे रहस्य
मैत्रीलाही आधार देतात
प्रतिक बनून प्रेमाची साक्ष देतात
स्वागत करण्यास सदैव पुढे असतात देवाच्या चरणी नतमस्तक होतात
फुले हीच शेवटी
देहाला आलिंगन देतात
जणू नाती जपणं हा उद्देश त्यांचा
विविध रंगाची उधळण करित झाडांवर कसे फुलतात
जसे आपल्याला पाहून अंतरंगात डुलतात
ह्रदय कस त्यांना बघून मोहून जातं
त्यांच्या सुगंधात आपलं दुःख विसरून जात
उद्देशच फुलांचा
मनास प्रेरणा देण्याचा
त्यांचं जगण आपल्यासाठी त्यांच वागण
आपल्यासाठी स्वतःसाठी जगण का जगण आहे
दुसऱ्यांचे जगणे सुंदर करणे हेच त्यांच ईश्वराला मागण आहे
आयुष्य मोहक करून सुगंध देऊन जातात
खुलत राहावे, हसत राहावे सदा
ही शिकवण देऊन जातात
वाटते कदाचित हाच उद्देश असेल
फुलांच्या जगण्याचा म्हणूनच
कधी कधी हेवा वाटतो त्यांच्या निरागस वागण्याचा ...