त्यांच्यासाठी एक गुलाब🌹

तळहाताचा करून पाळणा

ठेविले मज मायेच्या पंखात

वाढले आईवडिलांच्या छायेने

ठेवले नेहमी मला फुलात

त्यांच्यासाठी एक गुलाब---१

तळहाताच्या फोडाला केले जतन 

पाठवले सासरी आनंदात

काळजावर दगड ,अश्रू नयनात

सुने सुने वाटे आठवण येई घरात

त्यांच्यासाठी एक गुलाब--2

खंबीरपणे संकटात आमच्या

अजूनही पाठीशी उभी असतात

हिंमत देत सगळ्यांना डोक्यावर

आमच्या आशीर्वादाचा हात

त्यांच्यासाठी एक गुलाब

त्यांच्यासाठी एक गुलाब