तू आणि मी

तू आणि मी
 तुझ्या मिठीत हरवून जावं
 असं नेहमीच वाटतं मला
 मात्र ओढ आहे का रे तुला?....
 तुझ्या डोळ्यात पाहिलं की
 प्रेम जाणवते बर मला
 याची जाणीव आहे का रे तुला?...
 तुझ्या स्पर्शात जादू आहे
 रांगडा स्पर्श भुलवतो मला
 माझा मऊस्पर्श आवडतो का रे तुला?...
 मनातले सारे सांगावे वाटते
 खूपच मनापासून रे मला
 मी मन मोकळे केलेले आवडेल का रे तुला?...
 स्वप्नात रोज येतोस अन
 नेहमीच छळतोस रे मला
 भावना माझ्या समजतील का रे तुला?...
 वसुधा नाईक, पुणे