तुला पाहते रे

प्रातःकाळच्या गर्द धुक्यांत सख्या

पर्णांवरच्या या दवबिंदूंत तुला पाहते रे

रविच्या आगमनाने धरती ही तेजाळली

या सोनेरी किरणांमध्ये तुला पाहते रे

नाद मंजूळ कोकिळेचा मनास छेडतो रे

स्वरांच्या त्या लयीत तुला पाहते रे

बेधुंदपणे बरसतात श्रावणसरी रे

नभीच्या इंद्रधनुच्या रंगात तुला पाहते रे

माझेच प्रतिबिंब आरशात पाहते रे

पण मनाच्या दर्पणी तुला पाहते रे

राञी नभात चांदण्या चमकतात रे

पौर्णिमेच्या चंद्रात तुला पाहते रे